यस अघी सरकारका मन्त्री हरुले पटक पटक यसपालि दसैँमा काठमाडौंका बासिन्दालाई मेलम्चीको पानी उपहारस्वरूप दिने बताउँदै आए पनि सम्भव नहुने निश्चित भएको छ ।
अझै १२ किलोमिटर सुरुङमा ढलानको काम बाँकी नै रहेकाले पानी तत्काल काठमाडौं ल्याउन सम्भव नहुने भएकोले यो पटकको दशैमा पनि मेलम्चिको पाइपबाट हावा मात्रै आउने भएको हो ।
यसअघि ०७५ को दसैँअघि नै मेलम्चीको पानी काठमाडौंमा झार्ने बताएको मेलम्ची खानेपानी आयोजनाले नै अब सम्भव नहुने बताएको छ ।
मेलम्ची खानेपानी आयोजनाले युद्धस्तरमा काम भइरहेको बताए पनि दसैँअघि काम नसकिने मेलम्ची खानेपानी आयोजनाका अधिकारिहरुले बताएका छन । ‘ढलान गर्न बाँकी १२ किलोमिटर सुरुङमध्ये दसैँअघि दुईतिहाइ पूरा हुने सम्भाबना रहेको मेलम्ची खानेपानी आयोजनाका अधिकारिहरुले बताएका छन ।
सुरुङमा एउटा मात्र गाडी चलाउन मिल्ने भएकाले पनि काम छिटो गर्न समस्या भएको अधिकारिहरुको गुनासो रहेको छ ।
सरकारी ढिलासुस्ति,बिचमा पर्ने चाड्बाड्,लगायतले काममा आउनसक्ने अबरोध लाई हेर्दा मेलम्चिको पानी उपत्यकाबासिको धारामा आइपुग्न अझै अर्को दशैसम्म कुर्नुपर्ने देखिन्छ ।
