गौर
संगठित अपराधको मुद्दाको तारेख लगाउन जनकपुरबाट गौर आएका सीके राउत दुई कार्यकर्तासहित पक्राउ परेका छन् । रौतहटको गौर नगरपालिका भन्सार रोडबाट उनलाई प्रहरीले पक्राउ गरेको हो ।
तराई–मधेसमा स्वतन्त्र मधेस अभियान चलाउँदै आएका सीके राउत लाई राज्यविरुद्धको अपराध गरेको आरोपमा पक्राउ गरिएको प्रहरीले जनाएको छ । । सीके राउत संगठित अपराधको मुद्दाको तारेख लगाउन जनकपुरबाट गौर आएका थिए ।
उनी अदालतबाट बाहिरिँदा सय डेढ सय जनाको मोटरसाइकल र्याली निस्किएको र राज्य विरोधी नारा लगाएपछि पक्राउ गरिएको रौतहट प्रहरीले जनाएको छ ।
