काठमाडौं कात्तिक, १२–
निर्माण व्यवसायी महासंघका अध्यक्ष शरदकुमार गौचन हत्याकाण्डका थप तीन अभियुक्त रोशन बुढाथोकी, अम्बर बहादुर रानामगर र लोप्साङ लामा पक्राउ परेका छन् । महानगरीय अपराध महाशाखाको टोलीले उनीहरुलाई पक्राउ गरेको हो । उच्च प्रहरी स्रोतका अनुसार उनीहरुलाई आज नै पक्राउ गरिएको हो ।
महाशाखाका एसपी सोमेन्द्रसिंह राठौरको विशेष टोलीले उनीहरुलाई झापाबाट पक्राउ गरेर काठमाडौं ल्याएको हो । महाशाखाले केहीबेरमै पत्रकार सम्मेलन गरेर पक्राउबारे जानकारी दिने भएको छ । यसअघि केन्द्रीय अनुसन्धान ब्युरो (सीआइबी) को टोलीले मुख्य योजनाकार समीरमान सिंह बस्नेतलाई पक्राउ गरेको थियो ।
