मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

धनुषामा परिक्षा अगाबै प्रश्नपत्र बाहिरीयो



धनुषा चैत, १२–
एसईई अन्तरगत आज सञ्चालन भएको गणित विषयको प्रश्नपत्र परिक्षा अगाबै बाहिरिएको छ । धनुषाको फकिरचन्द जनता माध्यमिक विद्यालय बरकुर्वाबाट एसईई गणित विषयको प्रश्नपत्र बाहिरिएको हो । धनुषाका जिल्ला शिक्षा अधिकारी यमबहादुर खड्काले प्रश्नपत्र आउट भएको जानकारीमा आएको र छानविन भैरहेको बताए ।

एसईई परीक्षाको तेस्रो दिन गणित विषयको परीक्षा भइरहेकोमा परीक्षा सुरु भएको केहीबेरमै ह्वाट्सयपबाट प्रश्नपत्र आउट भएको सार्वजनिक भएको थियो ।

तर, केन्द्राध्यक्ष बैजु साहले प्रश्नपत्र आउट भएको बारे अस्वीकार गरेका छन् । परीक्षा सुरु भएको केहीबेरमै परीक्षा केन्द्रबाट मोबाइल फोन गरी प्रश्नपत्र आउट भएको थियो ।

जिल्ला शिक्षा अधिकारी खड्काको अनुसार परीक्षा केन्द्रमा केन्द्राध्यक्ष बाहेक भित्र गार्डहरुलाई समेत फोन प्रयोग गर्न नदिएको भन्दै सहायक शिक्षा अधिकारी मेहिलाल यादवको टोलीलाई परीक्षा केन्द्रमा छानविनको लागि पठाइएको जानकारी दिए । अहिले  टोली परीक्षा केन्द्र पुगेको र फर्किएपछि थप कुरा बाहिर आउने उनको भनाई छ ।

प्रकाशित मिति : १२ चैत्र २०७४, सोमबार  ७ : २६ बजे