काठमाडौं चैत, १८–
पूर्वमन्त्री तथा नेता खुमबहादुर खड्काको निधनको शोकमा नेपाली कांग्रेसले पाँच दिन पार्टीको कुनै पनि औपचारिक कार्यक्रम नगर्ने निर्णय गरेको छ । कांग्रेस नेता खड्काको शुक्रबार निधन भएको थियो ।
आइतबार बसेको कांग्रेस केन्द्रीय कार्यसमितिको बैठकले खड्काको निधनले कांग्रेस र देशलाई अपूरणीय क्षति भएको ठहर समेत गरेको छ । बैठकले खड्काप्रति उच्च सम्मान प्रकट गर्दै ५ दिन अर्थात २२ गतेसम्म कार्यालय बन्द गर्ने र औपचारिक कार्यक्रम नगर्ने निर्णय गरेको छ ।
त्यस्तै, ७ दिनसम्म पार्टीको आधा झण्डा झुकाउने र १३ दिनसम्म शोक पुस्तिका राख्ने निर्णय समेत बैठकले गरेको छ । कांग्रेसले १३ औं दिनमा केन्द्र र सबै जिल्लामा शोकसभा आयोजना गर्ने समेत बताएको छ ।