उदयपुर । जिल्लाको गाईघाट बजारको हवाई फिल्डमा बम विस्फोट हुँदा एक बालक घाइते भएका छन् ।
बुधबार त्रियुगा नगरपालिका–१३ को हवाई फिल्डमा भएको बम विस्फोटबाट १४ वर्षीय पारस राई घाइते भएका हुन् ।
हवाई फिल्ड नजिक बेवारिसे शंकास्पद झोला खेलाउने क्रममा रहेको बम विस्फोट हुँदा बालक घाइते भएको जिल्ला प्रहरी कार्यालय उदयपुरले जानकारी दिएको छ ।
घाइते बालकको पेटमा गहिरो चोट लागेको छ । उनको जिल्ला अस्पताल गाईघाटमा उपचार हुँदैछ । घटनाबारे थप अनुसन्धान भइरहेको प्रहरीले जनाएको छ ।
