मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

भारतीय जनता पार्टी (भाजपा)ले प्रधानमन्त्री मोदीको जन्मदिनलाई भारतभरी ‘सेवा दिवस’को रुपमा मनाउने



भारतका प्रधानमन्त्री नरेन्द्र मोदीको आसन्न जन्मोत्सवलाई भारतीय जनता पार्टी (भाजपा)ले विभिन्न कार्यक्रम गरी मनाउने तयारी गरेको छ । मोदीको जन्मदिन पर्ने सेप्टेम्बर १७ तारिखलाई ‘सेवा दिवस’का रुपमा भारतभरी नै मनाउने तयारी गरिएको भारतिय मिडियाहरु मा समाचार छ । उहाँको जन्मोत्सवका अवसरमा पार्टी नेताहरूले सरसफाई, रक्तदानलगायतका विभिन्न सामाजिक सेवाका कार्यक्रमहरूको आयोजना गरेका छन् । प्रधानमन्त्री मोदीले भने आफ्नो ६८औँ जन्मोत्सव आफ्नो निर्वाचन क्षेत्रमा पर्ने वाराणासीमा आफ्ना मतदाता र सुभेच्छुक तथा इष्टमित्रहरूसँग मनाउने योजना बनाउनु भएको छ ।

भारतिय मिडियाहरुका अनुसार प्रधानमन्त्री मोदीले वाराणासीमा रहेका वेला जन्मोत्सवको दिन स्थानीय एक विद्यालयका बालबच्चाहरूसँग केक काट्नुहुनेछ । त्यसपछि उहाँले करोडौँ रुपैयाँका विकास आयोजनाहरू पनि घोषणा गर्नुहुनेछ । मोदीले चक्रपथ बनाउने, महिलाका लागि सेवा प्रदान गर्ने दुई अस्पतालको शिलान्यास गर्नेलगायतका कार्यक्रमहरू रहेका छन् । ती प्रत्येक कार्यक्रमका लागि २० करोड भारतीय रुपैयाँ छट्याइँने भएको छ । श्रोतले जनाएअनुसार उहाँले झण्डै ६०० करोडको लगानीमा बन्ने क्यान्सर अस्पतालको पनि शिलान्यास गर्ने कार्यक्रम तय भएको छ । वारणासी भ्रमणका क्रममा बनारस हिन्दु विश्वविद्यालयमा सम्बोधन गर्नुहुने कार्यक्रम रहेको बुझिएको छ । ।

प्रकाशित मिति : २९ भाद्र २०७५, शुक्रबार  २ : १० बजे