मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

मयूर यातायातले तीन अर्बको लगानिमा दसैं अगावै सय ओटा विद्युतीय बस काठमाडौं ल्याउदै



मयूर यातायातले तीन अर्ब रुपैयाँको लगानिमा  काठमाडौं उपत्यकालाई दृष्टिगत गर्दैै सुविधायुक्त सय ओटा विद्युतीय बस  ल्याउने भएको छ ।   दसैं अगावै सय ओटा विद्युतीय बस काठमाडौं ल्याइने भएको हो। विद्युतीय बस चीनमा तयार भइसकेको मयूर यातायातका अध्यक्ष  मोहन श्रेष्ठ  लाई उधृत गर्दै अखबार हरुमा समाचार छ ।

‘विद्युतीय बससँगै त्यसका लागि आवश्यक पर्ने चार्जिङ् स्टेसन, प्राविधिक तथा दक्ष कामदारसमेत सबै पूर्वाधार पूरा भइसकेको छ,’ उनले भनेका छन , ‘चार्जिङ स्टेसनका लागि कुनै एक उपयुक्त स्थान छनोट गरी कम्तीमा १० देखि १२ ओटासम्म चार्जिङ बुथ राखिने छन् ।’  एक पटक चार्ज गरेपछि ३०० किलोमिटरसम्म कुद्ने र  चार्ज गर्न धेरै समय नलाग्ने  भएकाले दिनको दुई पटक चार्ज गर्न नपर्ने उनको भनाइ छ ।

ठूला लगानिकर्ता हरु पनि मयूरको विद्युतीय बसमा लगानी गर्न इच्छुक रहेकाले लगानीको कुनै समस्या नरहेको भन्दै उनले उक्त बसका लागि तीन अर्ब रुपैयाँको प्रोजेक्ट समेत रहेको जानकारी दिए । यस आधारमा हेर्ने हो भने प्रतिबसको मूल्य साढे दुई करोड रुपैयाँ जति पर्ने उनको अनुमान छ ।

ती विद्युतीय बस ल्याइएपछि कुन रुटमा सञ्चालन गर्ने भन्ने बिषयमा छलफल हुने र  हाल  यी बस चक्रपथ र बूढानीलकण्ठ रुटमा चलाउन सकिने  अध्यक्ष श्रेष्ठको भनाइ छ ।

प्रकाशित मिति : ७ आश्विन २०७५, आइतबार  ११ : १२ बजे