नेपाल निर्माण व्यवसायी महासंघको अध्यक्षमा कांग्रेस निकट रवि सिंह विजयी भएका छन् ।
सत्तारुढ नेपाल कम्युनिष्ट पार्टी निकट उम्मेदवार यक्षध्वज कार्कीलाई पराजीत गर्दै सिंह विजयी भएका हुन् ।
सिंहले कार्कीभन्दा १ सय १३ मत बढी प्राप्त गरे । सिंहले ४ सय ६६ मत पाउँदा कार्कीले ३ सय ५३ मत पाएका थिए । अध्यक्षका अर्का प्रत्याशी रामशरण देउजाले ६६ मत पाए । उनी पनि कांग्रेसनिकट हुन् ।
कार्की यसअघि २ पटक अध्यक्षमा पराजीत हुन् भने एकपटक अध्यक्षमा निर्वाचित भएका थिए । यस्तै, महासंघको वरिष्ठ उपाध्यक्षमा निकोलस पाण्डे निर्वाचित भएका छन् । उनी सिंह प्यानलकै हुन् ।
