१४, २०७५ आश्विन
कञ्चनपुरकी निर्मला पन्तको बलात्कारपछि हत्या घटनामा संलग्न भएको सर्बत्र आशंका गरिएका निलम्बित एसपी डिल्लीराज विष्टसहित एसपी विष्टका छोरा किरण र भीमदत्त नगरपालिकाका मेयर सुरेन्द्र विष्टका भतिजा आयुष विष्ट तीनै जनाको डीएनए रिपोर्ट नेगेटिभ आएको छ ।
एसपी विष्टका छोरा किरण र भीमदत्त नगरपालिकाका मेयर सुरेन्द्र विष्टका भतिजा आयुष विष्टको डीएनए ’भेजिनल स्वाब’मा भेटिएको डीएनएसँग मेल नखाएको प्रतिवेदन आएको हो । प्रहरीले मुख्य अभियुक्तका रूपमा उभ्याएका दिलीपसिंह विष्टको डीएनए म्याच नभएसँगै उनीहरु तीनजना माथि नै शंका गरेर परिक्षण गरिएको थियो । योसँगै निर्मला हत्या घटना थप पेचिलो बनेको छ । कञ्चनपुरसहित बिभिन्न जिल्लामा आन्दोलन सुरु भएको छ ।
निर्मला हत्याबारे छानविन गर्न गठित उच्चस्तरीय छानविन समितिले सरकारलाई बुझाएको प्रतिवेदन सार्वजनिकको माग राख्दै कञ्चनपुर बासिन्दा निर्मलाको न्यायका लागि दवाबमूलक संघर्ष समिति बनाएरआन्दोलनमा उत्रीएका छन । घटना र घटना को छानबिन झन पेचिलो बन्दै गैरहेको छ ।
कञ्चनपुरस्थित राजनीतिक दल, अधिकारकर्मी, नागरिक समाजलगायतले दवाबमूलक संघर्ष समितिमार्फत आइतबारबाट संयुक्त रुपमा विरोध कार्यक्रम आयोजना गरेका छन् । निर्मलाको हत्या भएको दुई महिना कटिसकेपनि सरकारले अपराधी पहिचान नगरेकाले पुनः आन्दोलन थालेको कञ्चनपुरस्थित राजनीतिक दल, अधिकारकर्मीहरुले ब ताएका छन ।
निर्मलाको घटनामा प्रहरीमाथि मात्रै होइन सरकारप्रति पनि स्थानीयको शंका छ । घटनाको अनुसन्धानमा प्रहरीबाट भएको त्रुटी र अनुसन्धानमा खटिएका प्रहरी अधिकृतलाई कारबाहीको दायरामा नल्याइनुले पनि अपराधीको संरक्षणमा सरकार आफैँ लागेको कञ्चनपुर बासिहरुले ब ताउन थालेका छन ।
