काठमाडौँ —
भारतलाई हराउदै नेपाल भुटानमा जारी साफ यू-१८ महिला च्याम्पियनसिपको फाइनलमा पुगेको छ ।
शुक्रबार भएको सेमिफाइनलमा भारतलाई नेपालले टाइब्रेकरमा ३-१ ले पराजित गरी फाइनलमा स्थान बनाएको हो ।
चाङलिमिथाङ रंगशालामा नेपालका रश्मी कुमारी घिसिङले १५ औं मिनेटमा गोल गरेकी थिइन् । ६२ औं मिनेटमा भारतकी कप्तान समीक्षाले हेडरमार्फत बराबरी गोल फर्काइन् ।
नेपालका लागि गोलरक्षक अन्जना रानामगरले दुई प्रहार बचाइन् । नेपालका लागि पुजा रानाको प्रहार चुक्दा रेखा पौडेल, गोलरक्षक अन्जना र मनिषा राउतले गोल गरेका थिए ।
