काठमाडौं कात्तिक, १८–
मानवअधिकारवादी नेता पद्मरत्न तुलाधरको निधन भएको छ ।नर्भिक अस्पतालमा उपचाररत नेता तुलाधरको आइतबार दिउँसो १ बजे निधन भएको हो ।
उपचारमा संलग्न चिकित्सकहरुले उनको निधन भएको जानकारी गराए । तुलाधरलाई अकास्मात हृदयघात भएपछि केही दिन अघि अस्पताल पुर्याईएको थियो ।
पारिवारिक स्रोतका अनुसार तुलाधरको शव अस्पतालबाट निजी निवास लैजान लागिएको छ ।
तुलाधर नेपाल भाषा तथा मानव अधिकार आन्दोलनका अगुवा साथै बामपन्थी नेता पनि हुन । उनले तीनपटक तत्कालिन एमालेको चुनाव चिन्ह सूर्यबाट चुनाव जितेका थिय । स्वतन्त्र वामपन्थीकै हैसियतमा २०५२ सालमा स्वास्थ्यमन्त्री समेत बनेका तुलाधरका श्रीमती, दुई छोरा र दुई छोरी छन् । उनकाे सोमबार शोभाभगवतीमा अन्तिम संस्कार गरिने बताइएको छ ।