काठमाडौँ, २३ कात्तिक-
राष्ट्रपति विद्यादेवी भण्डारीले आज बिहान ११ः५५ बजेको साइतमा भाइ डेगेन्द्र पाण्डेलाई राष्ट्रपति भवन शीतलनिवासमा टीका लगाइदिएकी छन् ।
राष्ट्रपति भण्डारीले टीका लगाएर भाइलाई आशीर्वाद दिँदै दुबो, मखमलीयुक्त माला लगाइ दिइन भने भाइ डेगेन्द्र पाण्डेले दक्षिणा सहित उनीसँग आशीर्वाद लिए । त्यसअघि राष्ट्रपतिले शास्त्रोक्त विधिपूर्वक दीप, कलश, गणेशका साथै अष्टचिरञ्जीवी र यमयमुनाको पूजा अर्चना गरिन् ।
उपराष्ट्रपति नन्दबहादुर पुन ‘पासाङ’ले पनि भाइटीका लगाएका छन् । उनले उपराष्ट्रपति निवास कपुरधारामा टीकाको साइत ११ः५५ बजे नै लगाए । उनले आफ्नी दिदी दिदी गृहजिल्ला रोल्पामा रहेकाले नजिकका बहिनीसँग भाइटीका लगाए ।
तेस्तै प्रधानमन्त्री केपी ओलीले बहिनीहरु बिष्णुमाया ढकाल र कमला कोइरालाको हात बाट भाइटीका लगाएका छन् । उनले ११ः५५ को शुभ साइतमा प्रधानमन्त्रीको सरकारी निवास बालुवाटारमा भाइटीका लगाएका हुन । बहिनिहरुले विधिपूर्वक दीप, कलश, गणेशका साथै अष्टचिरञ्जीवी र यमयमुनाको पूजा गरिसकेर माला लगाइ दिय भने प्रधानमन्त्री ओलिले दक्षिणा सहित उनीसँग आशीर्वाद लिए ।
