झापा मंसिर, १०–
झापामा भएको आगलागीमा परी एकै परिवारका चारजना जनाको मृत्यु भएको छ ।
शिवसतासी नगरपालिकाको वडा नं. ७ लाल्झोडामा आगोले जलेर एकै परिवारका चार सदस्यको मृत्यु भएको हो ।
आगोमा जलेर ज्यान गुमाउनेहरुमा ३६ वर्षीय लक्ष्मन खनाल, ३० वर्षीया राधिका खनाल, ४ वर्षीय सुप्रिया खनाल र तीन महिनाका नाबालक टीकाराम खनाल रहेका छन् ।
उनीहरूको आगोले जलेर मृत्यु भएको हो । आइतवार राति ९ बजे घरमा आगलागी भएको प्रत्यक्षदर्शीले बताएका छन् । झापा प्रधानमन्त्री केपी ओलीको गृहजिल्ला हो ।
स्थानीय भानु माध्यमिक विद्यालयबाट २० मिटर नजिक रहेको खनाल परिवारका सम्पूर्ण सदस्यको सुतिरहेको अवस्थामा आगलागी भएको इलाका प्रहरी कार्यालय झिल्झिलेले जानकारी दिएको छ ।
आगलागी के कारणले भएको हो भन्ने खुल्न सकेको छैन । प्रहरीले घटनाको अनुसन्धान भइरहेको जानकारी दिएको छ ।
