काठमाडौं पुस, ११–
भारतीय सेनामा कार्यरत दुई नेपाली मारिएका छन् । पाकिस्तानी सेनाको आक्रमणमा परी भारतीय सेनाको सुवेदार पदमा कार्यरत रुपन्देहीको तिलोत्तमा–९, तुलसीपुरका गमरबहादुर थापा र रमन थापाको भारतको मृत्यु भएको हो । भारतीय सेनाले जनाए अनुसार कुपवाडा जिल्लामा परेको आक्रमणमा उनीहरुको मृत्यु भएको हो ।
शुक्रबार पाकिस्तानको स्नाइपर आक्रमणमा परेका थापाद्वयको निधन श्रीनगरस्थित ९२ बेस अस्पतालमा लैजाने क्रममा भएको हो । ४२ वर्षीय गमरबहादुर सन् १९९३ मा २÷८ गोर्खा राइफल्समा भर्ती भएका थिए । उनका पत्नी र दुई छोरा छन् । त्यस्तै, ३९ वर्षीय रमन सन् १९९६ मा भर्ती भएका थिए । रमनका सात वर्षीय एक छोरा छन् । भारतीय सञ्चार माध्यमले पाकिस्तानले युद्धविराम भंग गर्दै हमला गरेको जनाएका छन् ।
