घोराही पुस, १२–
दाङको घोराहीमा रहेको सगरमाथा सिमेन्ट प्रालिको नयाँ निर्माणाधीन भवनमा आगलागी भएको छ । घोरही उपमहानगरपालीका ३ गोग्लीस्थित निर्माणाधीन सीएसपी भवनको ३५ मिटर माथी बिजुलीको तारसट भई आगलागी भएको दाङ प्रहरीले जनाएको छ । बिहीबार बिहान भएको आगलागी नियन्त्रणमा लिन प्रहरी नायव उपरीक्षक रामप्रसाद घर्ती मगरको कमाण्डमा १५ जनाको प्रहरी टोली उद्धारका लागि खटिएको छ थियो ।
प्रहरीका साथै स्थानीय र दमकलको सहयोगमा बिहान ८ बजे आगो पूर्णरुपमा नियन्त्रणमा आएको छ । आगलागीबाट कुनै पनि मानबीय क्षति नभएको प्रहरीले जनाएको छ ।
आगलागीबाट उक्त भवन बनाउन प्रयोग हुने पलाई ५ वटा, वल्डिङ मेसिन ५ वटा, अन्य ग्रिल मेसिन र ३ वटा ग्याँस सिलिन्डर समेत जलेर नोक्सानी भएको छ ।