हुम्ला पुस, १८–
सोमबारदेखि हुम्लाका निजी तथा सामुदायिक विद्यालय बन्द भएका छन् । अत्यधिक चिसोका कारण सबै विद्यालय विद्यालय ४५ दिनका लागि बन्द गरिएको हो ।
सरकारले हुम्लालगायत हिमाली जिल्लामा चिसो अत्यधिक हुने भएका कारण बर्सेनि बिदा दिँदै आएको छ । आइतबार वार्षिक परीक्षा सम्पन्न गरी विद्यालय बन्द गरिएको जिल्ला जिल्ला शिक्षा विकास तथा समन्वय एकाइ हुम्लाले जनाएको छ ।
आगामी फागुन १ गतेसम्म हुम्लाका सबै विद्यालय बन्द रहने छन् । जिल्ला शिक्षा विकास तथा समन्वय एकाइका वर्ष फडेराका अनुसार चिसोका कारण जिल्लाका १५१ विद्यालय बन्द भएका छन् । यी विद्यालयमा १७ हजारभन्दा बढी छात्रछात्रा अध्ययनरत छन् ।
