काठमाडौं पुस, ३०–
स्वास्थ्यमा समस्यामा देखिएपछि अनसनरत डा.गोविन्द केसीलाई अस्पताल लगिएको छ ।
सोमबार बिहान डा. कसीको मुटुको गति अनियमित भएर स्वास्थ्यमा जटिलता देखिएपछि उनलाई इलाम अस्पतालमा लगिएको हो ।
डा. केसीको दाहिने फोक्सोमा हावा कम भएर बेला–बेला मुटु तेज धड्किने तथा रोकिने भएकाले अस्पताल लगिएको चिकित्सक रामकृष्ण आचार्यले जानकारी गराए । उनका अनुसार डा.केसीको छात्तीमा संक्रमण भएको तथा टन्सिलले घाँटी सुन्निएको छ ।
आइतबार नै गरिएको परीक्षणमा डा.केसीको मुटुको गति अनियमित भइ अस्पताल लैजानुपर्ने अवस्था आएपनि उनी अस्पताल जान मानेका थिएनन् ।
डा. केसी गत पुस २५ गतेदेखि इलाममा १६ औं पटक आमरण अनसनमा बसेका छन् । उनले सरकारले संघीय संसदको शिक्षा तथा स्वास्थ्य समितिले विधेयक पारित गरेको प्रतिवेदन आफूसँगको सम्झौता विपरित भएको बताउदै आएका छन् ।