काठमाडौं माघ, ११–
प्रमुख विपक्षी दल नेपाली कांग्रेस सरकार र सभामुखप्रति थप आक्रोशित बनेको छ । शुक्रबार संसदमा आफूहरुको नाराबाजीका बीच चिकित्सा शिक्षा विधेयक पास भएपछि कांग्रेस सरकार र सभामुखप्रति आक्रमक बनेको हो ।
प्रमुख प्रतिपक्ष दलका नेता समेत रहेका कांग्रेस सभापति शेरबहादुर देउवाले संसद बैठकपछि पत्रकारहरुसँग कुरा गर्दै सरकारको अधिनायकवादी चरित्र थप उदांगो भएको बताए । उनले सभामुखले आफ्नो पदीय गरिमा कायम राख्न नसकेको आरोप समेत लगाए । सभापति देउवाले भने, अब कांग्रेसको विकल्प सदन र सडकमा संघर्ष गर्ने हो ।’
