मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

यी हुन् कांग्रेसका सरकारविरुद्ध देशव्यापी विरोधका कार्यक्रम, वाइडबडी प्रकरणमा गम्भिर अनुसन्धानको माग



काठमाडौं माघ, १६–
नेपाली कांग्रेसले वाइडबडी जहाज खरिदमा भएको भ्रष्टचार घोटालाबारे गम्भीर छानबीन गर्न सरकारसँग माग गरेको छ । बुधबार कांग्रेसका प्रवक्ता विश्वप्रकाश शर्माले पत्रकार सम्मेलन आयोजना गरी माघ २१ को देशव्यापी विरोध प्रदर्शन मार्फत यो बिषयमा कांग्रेसले थप दबाब सृजना गर्ने दाबी गरे ।
देश आफैले निर्माण गर्नु उपयुक्त हुने र सक्ने वुढीगण्डकी जलविद्युत आयोजनाविना प्रतिस्पर्धा विदेशी कम्पनीलाई दिइएकोबारे पनि कांग्रेसको आपत्ति रहेको प्रवक्ता शर्माको भनाइ थियो ।
निजगढ विमानस्थल निर्माण गर्ने प्रकृयामा ढिलासुस्ती, ३३ किलो सुन काण्ड, प्रदेश ५ मा प्रदेश सभा सचिवालयले ११ वटा गाडी खरिद गर्दा भएको भनिएको अनियमितताको बारे पनि गम्भीर ढंगले छानबिन हुनुपर्नेमा शर्माले जोड दिए ।

संघीयता कार्यान्वयनका बाँकी कार्यभार पुरा गर्न भइरहेको ढिलाईले समग्र सत्ताको नियतमाथि नै गम्भीर प्रश्न खडा भएको ठहर गर्दै काँग्रेसले कम्युनिष्ट राजनीतिक दर्शनको प्रभाव र दबाबमा रहेर शक्तिको सम्पूर्ण केन्द्रीकरण गर्ने धङ्धङ्ती प्रधामन्त्रीमा जोरहेको आरोप लगाएको छ ।

काँग्रेसले माघ २१ गतेको देशव्यापी प्रदर्शन गर्नुको विभिन्न ६ कारण समेत दिएको छ ।

जसमा गोविन्द केसीको मुद्दा, संवैधानिक परिषदमा गरिएको नियुक्ति, देशव्यापी रुपमा बढेको हिंसा, हत्या र बलात्कार जस्ता जघन्य अपराध, महंगी, भ्रष्टाचार एवं अनेकौं सरकारले गरेका विभिन्न निर्णयहरु रहेका छन् ।

प्रकाशित मिति : १६ माघ २०७५, बुधबार  १० : २६ बजे