मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

स्वास्थ्य मन्त्रालयमा प्रहरीको लाठीचार्ज, धर्नामा बसेका २५ चिकित्सक पक्राउ



काठमाडौं माघ, २७–
स्वास्थ्य मन्त्रालयमा धर्ना दिएका २५ जना चिकित्सक पक्राउ परेका छन् । कर्मचारी समायोजनमा असन्तुष्टि जनाउँदै समयोजनमा चिकित्सकको दरबन्दी संघ अन्तर्गत हुनुपर्ने माग राख्दै उनीहरु स्वास्थ्यमन्त्रालय भित्र धर्नामा रहेका थिए । चिकत्सक संघ (गोदान) का अध्यक्ष दिपेन्द्र पाण्डेसहित २५ जना चिकित्सकलाई प्रहरीले नियन्त्रणमा लिएको हो ।

आफ्नो माग सम्बोधन गर्न सरकारलाई दबाव दिँदै उनीहरु बिहान १० बजेदेखि नै स्वास्थ्यमन्त्रालयमा धर्ना दिन बसेका थिए । आफूहरुको शान्तीपूर्ण धर्नामा प्रहरीले हस्तक्षेप गरी लाठीचार्जसमेत गरेको गोदानका अध्यक्ष दिपेन्द्र पाण्डेले खबरहबलाई बताए ।

‘सरकारले हामीसँग गरेको सहमति कार्यन्वय गर्न माग गर्दै हामीले स्वास्थ्य मन्त्रालयमा शान्तिपूर्ण धर्ना दिएका थियौं, प्रहरीले साढे १ बजे हाम्रो शान्तिपूर्ण धर्नामा दमन गर्यो‍’ गोदानका अध्यक्ष पाण्डेले भने, ‘हाम्रा ३ जना चिकित्सक साथीहरु घाइते हुनुभएको छ । २५ जनालाई प्रहरीले गिरपर्तार गरेको छ ।’

प्रहरीको लाठीचार्जमा डाक्टर सुबोध ज्ञावली, डा. कपिल गौतम र डा. राकेश यादव घाइते भएको उनले बताए ।

प्रकाशित मिति : २७ माघ २०७५, आइतबार  ८ : ५३ बजे