काठमाडौं फागुन, २–
मौसमविद्ले आजदेखि केही दिन देशभरीको मौसम बदली भई विभिन्न स्थानमा पानी पर्ने अनुमान गरेका छन् । जल तथा मौसम पूर्वानुमान महाशाखाले पश्चिमी वायुको प्रभावले अहिले पूर्वबाहेक अन्य भूभागको मौसम बदली भएको जनाएको छ ।
अहिले सफा रहेको पूर्वको मौसम पनि दिउँसो पछि बदली हुने महाशाखाकी मौसमविद् गंगा नगरकोटीटीले बताईन् । बिहीबार देशका धेरै ठाउँमा मेघगर्जनसहित पानी पर्ने उनको अनुमान छ । यस्तै उच्च हिमाली तथा पहाडी भेगमा हिमपातको संभावना रहेको उनले बताएकि छिन् ।
अबको तीन दिन मौसम एकैछिन खुलेपनि फेरि बदली भई धेरै ठाउँमा पानी पर्ने संभावना रहेको मौसमविद् नगरकोटीको भनाइ छ ।