काठमाडौं फागुन, १८–
पूर्वउपप्रधानमन्त्री तथा नेपाल कम्युनिष्ट पार्टी (नेकपा) का नेता भरतमोहन अधिकारीको निधन भएको छ । ह्याम्स अस्पतालको भेन्टिलेटरमा उपचाररत अधिकारीको शनिबार साँझ निधन भएको नेकपा पार्टी कार्यालयका सचिव कृष्णगोपाल श्रेष्ठले जानकारी गराए । सचिव श्रेष्ठले अधिकारी उपचाररत अस्पतालबाटै दिएको जानकारी उनुसार अधिकारीलाई बचाउने सम्पूर्ण प्रयास असफल भएको छ । अधिकारीको ८३ वर्षको उमेरमा निधन भएको हो । विगत २ महिनादेखि उचाररत अधिकारीको ह्याम्स अस्पतालमा शनिबार निधन भएको हो । माघ २४ गतेदेखि अधिकारीको ह्याम्स अस्पतालमा उपचार भइरहेको थियो । त्यसअघि उनको मेडिसिटी अस्पतालमा उपचार भइरहेको थियो । अधिकारीलाई १६ दिनदेखि भेन्टिलेटरमा राखिएको थियो । २०५१ सालमा मनमोहन अधिकारी प्रधानमन्त्री भएकाबेला अर्थमन्त्री भएका अधिकारीलाई लोकप्रिय अर्थमन्त्रीको रुपमा समेत चिनिन्छन् ।
