रोल्पा फागुन, २२–
रोल्पामा अज्ञात समूहले गाउँपालिकाका अध्यक्षको गाडीमा अगजनी गरेको छ । मंगलबार राति जिल्लाको गंगादेव गाउँपालिकाका अध्यक्ष वीरबहादुर खत्रीको गाडीमा अज्ञात समूहले आगजनी हो ।
जिल्ला प्रहरी कार्यालय रोल्पाले मंगलबारदेखि सुरु भएको स्थानीय मेलाको उद्घाटन गरी त्यहीँ बास बसेका अध्यक्ष खत्रीले ४ नम्बर वडा कार्यालय म्वालेखोलामा पार्कीङ गरीराखेको भे १ ज २७८५ नम्बरको बोलेरो जीपमा आगजनी भएको जनाएको छ ।
रोल्पाका प्रहरी नायब उपरीक्षक दीपक खड्काले घटनाको अनुसन्धान भइरहेको जनाए । यस्तै, रोल्पाको त्रिवेणी गाउँपालिकाको कार्यालयमा पनि मंगलबार राती तोडफोडको प्रयास भएको छ । अज्ञात समूहले ढुङ्गा प्रहार गर्दा गाउँपालिका कार्यालयको झ्यालका सिसा फुटेको प्रहरीले जनाएको छ ।
