सरकारलाई दिएको समर्थन फिर्ता लिने राजपाको चेतावनी, अध्यक्ष मण्डलको आकस्मिक बैठक सुरु

काठमाडौं फागुन, २२–
राष्ट्रिय जनता पार्टी (राजपा) नेपालको अध्यक्ष मण्डलको आकस्मिक बैठक पार्टी कार्यालय बबरमहलमा सुरु भएको छ ।टीकापुर घटनाबारे अदालतको फैसला आएसँगै राजपा अध्यक्ष मण्डलको बैठक बसेको हो । बैठकमा सरकारलाई दिएको समर्थन फिर्ता लिएर आन्दोलनमा जाने विषयमा छलफल हुने राजपाले जनाएको छ ।
२०७२ भदौ ७ मा थरुहट आन्दोलन हुँदा टीकापुरको घटनामा स‌ंलग्न रहेका सांसद रेशम चौधरीलाई अदालतले बुधबार जन्मकैदको फैसला सुनाएसँगै राजपाले सरकारलाई दिएको समर्थन फिर्ता लिन बैठक बस्न लागेको हो । आन्दोलनमा नेपाल प्रहरीका तत्कालीन एसएसपीसहित ८ सुरक्षाकर्मी र एक नाबालकको हत्या भएको थियो ।
आज अदालतले सांसद चौधरीसहित ११ जनालाई जन्मकैदको फैसला सुनाएको छ ।