कपिलबस्तु फागुन, २३–
प्रहरीले विप्लव समूहका नेता पक्राउ गर्न गोली चलाएको छ । कपिलबस्तुको शिवराज नगरपालिका –९ मा विप्लव नेकपाका नेता दुर्गाबहादुर रोकाको घरमा छापा मारेको प्रहरीले उनलाई पक्राउ गर्न गोली चलाएको हो ।
अवैध हातहतियार राखेको सूचनाका आधारमा प्रहरीले रोकाको घरमा छापा मारेको बताएको छ । बिहीबार विहानै प्रहरी टोलीले घर घेरा हालेपछि विप्लव समूहका नेता रोका भाग्न खोज्दा गोली चलाइएको हो ।
प्रहरीको गोली लागेर उनी घाइते भएका छन् । खुट्टामा गोली लागेका उनको जिल्ला अस्पतालमा उपचार भइरहेको छ ।
उनको घरकाट प्रहरीले एसएमजी, तीन थान म्यागजिन र चाइनिज पेस्तोल बरामद गरेको छ ।
