काठमाडौं फागुन, २४–
सत्तारुढ दल नेपाल कम्युनिष्ट पार्टी (नेकपा) को सचिवालय बैठकमा सिके राउतलाई पार्टीमा प्रवेश गराउने विषयमा छलफल गर्न बसेको सचिवालय बैठक सकिएको छ ।
प्रधानमन्त्री निवास बालुवाटारमा बसेको बैठकमा करिब दुई घण्टा सिके राउतकै विषयमा छलफल भएको नेकपाका प्रवक्ता नारायणकाजी श्रेष्ठले बताए ।
सिके राउत पृथकतावादी आन्दोलन छोडेर मूल धारको राजनीतिमा आउँछु भन्ने स्वागत योग्य विचार रहेको श्रेष्ठले बताए । उनले भने ‘जसरी सिके राउत मूल धारमा आउँदैछन्, तर सरकारले सम्झौता गर्दा राष्ट्र, राष्ट्रियता र जनतालाई ख्यालगरेर सम्झौत गरिनु पर्छ ।’
तराईमा पृथकतावादी गतिविधिमा लागेका राउत समूहले ‘राजनीतिक मूलधारमा आउने सहमतिको घोषणा’ कार्यक्रम राष्ट्रिय सभागृहमा केहीबेरमा सुरु हुँदैछ ।
राष्ट्रिय सभागृहबाट अध्यक्ष ओली र प्रचण्डसंगै सिके राउतले समेतले सम्बोधन गर्ने प्रचण्डको सचिवालयले जनाएको छ । नेकपाका अध्यक्षद्वयसहित शीर्ष नेता राष्ट्रिय सभागृह जाँदैछन् ।
