काठमाडौं फागुन, २४–
नेत्रविक्रम चन्द विप्लव नेतृत्वको नेपाल कम्युनिस्ट पार्टी(नेकपा) ले नेकपाकी सांसदलाई अपहरण गरेको छ । नेकपाले बझाङकी प्रदेश सभा सांसद देवकी मल्ललाई अपहरण गरेको हो । मल्ल प्रदेश सभा निर्वाचनमा बझाङ ‘ख’ मा तत्कालिन माओवादी उम्मेदवारको रुपमा विजयी भएकी थिइन्।
बझाङका प्रमुख जिल्ला अधिकारी सुरेश सुनारले अपहरणमा परेको खबर भर्खरै पाएको बताएका छन् । उनले भने, ‘हामी त्यसलाई पुष्टि गरिरहेका छौं। अहिले थप केही भन्न सकिन्न।’
