लाल आयोगको प्रतिवेदन सार्वजनिक गर्न माग गर्दै राजपाद्वारा संसद अवरुद्ध

काठमाडौं फागुन, २९–
राष्ट्रिय जनता पार्टी(राजपा)ले संसद बैठक अवरुद्ध गरेको छ । राजपाले लाल आयोगको प्रतिवेदन सार्वजनिक गर्न माग गर्दै संसद बैठक अवरुद्ध गरेको हो ।
बुधबार संसदको बैठक सुरु भए लगतै राजपा सांसदहरुले उठेर विरोध गरेका हुन् । राजपाका सांसदहरु उठे लगत्तै सभामुख कृष्णबहादुर महराले राजकिशोर यादवलाई बोल्न समय दिए । यादवले लाल आयोगको प्रतिवेदन सार्वजनिक गर्नुपर्ने माग गर्दै प्रतिवेदन सार्वजनिक नभएसम्म बैठक चल्ननदिने घोषणा गरे लगत्तै राजपाका सांसदहरु आफ्नो स्थामा उभिएका थिए । सभामुख महराले पटक पटक बस्न आग्रह गर्दा पनि राजपाका सांसदले नमानेपछि १० मिनेटका लागि संसद बैठक स्थगित गरेका छन् ।