विराटनगर फागुन, २९–
नेपाली कांग्रेसका सभापति शेरबहादुर देउवाले सरकारले विप्लव नेतृत्वको नेकपामाथि लगाएको प्रतिबन्ध उचित भएको बताएका छन् । बुधबार विराटनगर बिमानस्थलमा पत्रकारसँग कुरा गर्दै सभापति देउवाले विप्लव समूहलाई कानुन अनुसार कारवाही गर्नुपर्ने बताएका हुन् । उनले हिंसात्मक गतिविधी गर्नेलाई प्रतिबन्ध लगाउने सरकारी निर्णय उपयुक्त भएको बताए ।
पूर्वप्रधानमन्त्री समेत रहेका देउवाले भने, विप्लवले आतंक फैलाउने काम गरेका छन्, हाम्रै साथीहरुमाथि पनि आक्रमण भयो, ‘प्रतिबन्ध मात्रै होइन, कारबाही गर्नपर्छ ।’ जथाभावी आक्रमण गर्ने र अशान्ति मच्चाउने कार्य रोक्न विप्लव समूहविरुद्ध सरकारले कडा कदम चाल्नुपर्ने देउवाको भनाइ थियो ।
मंगलबार साँझ बसेको मन्त्रिपरिषद् बैठकले हिंसात्मक गतिविधिमा संलग्न भएको भन्दै विप्लव समूहको गतिविधिमाथि प्रतिबन्ध लगाउने निर्णय गेरको थियो ।
‘
