मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

जनकपुरमा पूर्वराजाको भव्य स्वागत, समर्थकहरु घण्टौसम्म फूलको माला लिएर लाइनमा



जनकपुरधाम फागुन, ३०–
मध्यतराईको भ्रमणमा रहेका पूर्वराजा ज्ञानेन्द्रको जनकपुरमा भव्य स्वागत भएको छ । जनकपुरमा उनका समर्थक, शिव सेनाका प्रतिनिधि, साधु–सन्त, हिन्दू धर्मका अनुयायीसहितले पूर्वराजालाई स्वागत गरेका थिए । बुधबार राति पौने ८ बजे पूर्वराजा ज्ञानेन्द्र साह जनकपुर आउँदा उनको भव्य स्वागत गरिएको छ । उनका समर्थकहरु घण्टौसम्म फूलको माला लिएर लाइन लागेका थिए ।

‘राजा ल्याऊ देश बचाऊ, हाम्रो राजा हाम्रो देश प्राणभन्दा प्यारो छ’ जस्ता नारा घन्काउँदै पूर्वराजालाई स्वागत गरिएको थियो । झापाबाट प्रदेश २ राजधानी जनकपुर आएका उनी होटेल सिताशरणमा बसेका छन् ।
मुश्लिम समुदायका व्यक्ति समेत पूर्वराजालाई स्वागत गर्ने लाइनमा देखिएका थिए । यद्यपि, मुश्लिम समुदायका व्यक्तिले पनि राजालाई मान्ने गरेका थिए । उनीहरु हातमा माला लिएर राजाको प्रतिक्षा गरिरहेका देखिन्थे ।
पूर्वराजा बिहीबार सर्लाही र शुक्रबार उदयपुर जाने कार्यक्रम छ । उनले शुक्रबार नै दिउँसो ४ बजे जानकी मन्दिरमा पूजापाठ गर्ने कार्यक्रम रहेको छ । शनिबार उनी सप्तरीको छिन्नमस्ता शक्तिपीठमा गएर पूजापाठ गर्नेछन् ।
पूर्वराजानिकट व्यक्तिहरुले जनाए अनुसार यो यात्रा धार्मिक यात्रा मात्रै भएको बताउने गरेका छन् ।

प्रकाशित मिति : ३० फाल्गुन २०७५, बिहिबार  ८ : ०६ बजे