काठमाडौं चैत, ११–
जल तथा मौसम पूर्वानुमान महाशाखाले आज देशभरको मौसम बदली रहने जनाएको छ । आज देशको पश्चिमी भूभागमा र अन्य पहाडी भू–भागहरुमा सामान्य देखि पूर्ण बदली रहने र बाँकी स्थानमा आंशिक बदली रहने महाशाखाको भनाइ छ ।
पश्चिमी भेगका थोरै स्थानहरुमा र अन्य पहाडी भेगका एक दुई स्थानहरुमा मेघ गर्जन सहितको छिटपुट देखि हल्का वर्षाको संभावना रहेको महाशाखाले जारी गरेको सूचनामा उल्लेख छ ।
पश्चिमी उच्च पहाडी र हिमाली भेगका केहि स्थानहरुमा र मध्य र पूर्वी उच्च पहाडी र हिमाली भेगका थोरै स्थानहरुमा हल्का देखि मध्यम हिमपातको सम्भावना समेत रहेको छ ।
आज राति पनि पहाडी भेगका थोरै स्थानहरुमा मेघ गर्जन सहितको छिटपुट देखि हल्का वर्षाको संभावना रहेको छ ।