गुल्मीमा जीप दुर्घटनाः कांग्रेसका पूर्व सांसदसहित दुईजनाको ज्यान गयो

गुल्मी चैत, २८–
गुल्मीको मुसिकोट नगरपालिकामा जीप दुर्घटना हुँदा २ जनाको मृत्यु हुनुका साथै ८ जना घाइते भएका छन् । बुधबार बिहान मुसिकोट नगरपालिका १ को चैन डाँडामा भएको उक्त दुर्घटनामा नेपाली काँग्रेसका पूर्व सांसद ६५ वर्षका रुद्रमणी शर्मा भण्डारी र वस्कर विश्वकर्माको मृत्यु भएको प्रहरीले जनाएको छ । मालिका गाउँपालिकाको दर्लिङ्गबाट सदरमुकाम तम्घासका लागि छुटेको लु १ ज १९५७ नम्बरको जीप दुर्घटनामा परी घाइते भएका ४ जनाको स्थानीय स्वास्थ्य संस्थामा उपचार भैरहेको छ । अन्य ४ जनालाई भने गुल्मी अस्पताल तम्घास लगिएको प्रहरीले जनाएको छ ।