काठमाडौं वैशाख, ५–
नेपालले पहिलोपटक अन्तरिक्षमा आफ्नै स्याटेलाईट प्रक्षेपण गरेको छ । नेपाली समय अनुसार गएराति २ः३१ बजे नेपालको पहिलो भुउपग्रह ‘नेपाली स्याट–१’ अमेरिकाको भर्जिनियास्थित वल्लोप्स टापुमा रहेको नासाको केन्द्रबाट प्रक्षेपण गरिएको हो ।
नेपाली बैज्ञानिकहरु आभास मास्के र हरेराम श्र्रेष्ठले निर्माण गरेको स्याटेलाईटमा नेपाली राष्ट्रिय झण्डा नाष्टको लोगो राखिएको छ ।
उनीहरु दुवैजना जापानको क्युसु विस्वविद्यालयमा अध्ययनरत नेपाली बैज्ञानिक हुन् ।
प्रधानमन्त्री केपी शर्मा ओलीले सबै बैज्ञानिकहरुलाई वधाई दिएका छन् । उनले नेपाल अन्तरिक्ष युगमा प्रवेश गरेको बताउँदै खुशी व्याक्त समेत गरेका हुन् ।
