नवलपरासी वैशाख, ६– विप्लव नेतृत्वको नेपाल कम्युनिष्ट पार्टी (नेकपा) नवलपरासी जिल्ला सदस्य पक्राउ परेका छन् । बिहिबार साँझ पूर्वी नवलपरासीको मध्यबिन्दु नगरपालिकाबाट जिल्ला सदस्य पुरुषोत्तम रेग्मी पक्राउ परेको प्रहरीले जनाएको छ ।
प्रहरीका अनुसार मध्यबिन्दु नगरपालिका–१, बाहुनीकुनामा रहेको आफ्नै घरबाट उनी पक्राउ परेका हुन् ।
प्रहरीले यसअघि पनि पूर्वी नवलपरासीबाट विप्लवका ३ नेतालाई पक्राउ गरेको थियो ।
जिल्ला प्रहरी कार्यालय पूर्वी नवलपरासीका अनुसार जिल्लामा कुनै अप्रिय घटना हुन नदिन विशेष सुरक्षा योजना तयार गरेर सुरक्षा व्यवस्था गरिएको छ ।
