चैत १८,काठ्माण्डौ-
गएराती बारा र पर्सा लगायत तराईका विभिन्न क्षेत्रमा आएको भीषण हावा हुरीले ठुलो जनधनको क्षति पुर्याएको छ । पछिल्लो विवरण अनुसार हालसम्म ३१ जनाको ज्यान गएको छ भने ४०० बढी घाइते भएका छन् ।
यत्रो ठूलो प्राकृतिक विनास हुन लाग्दा समेत मौसमको पूर्वानुमान गर्ने सकारी निकाय जल तथा मौसम पूर्वानुमान महशाखाले कुनै पूर्व सुचना जारी गर्न सकेन ।
स्थानीय वायुको प्रभाव र भारतको मध्यप्रदेशमा निम्न चापीय क्षेत्र विकसित हुँदा हावाहुरीले शक्तिशाली स्वरूप लिएको देखिएको बताइएको छ । स्थानीय वायुकै प्रभावले बादल धेरै बनेर एकैचोटी तल खनिँदा हावाहुरी सिर्जना भएको बताइन्छ ।
तर जल तथा मौसम विभागका मौसमविद्का अनुसार स्थानीय वायुको प्रभाव उच्च भएकाले पूर्वानुमान संयन्त्रमा सचेत गराउनेगरी कुनै संकेत देखिएको थिएन ।
भारतको मौसम पूर्वानुमान निकायले चाहिँ नेपाली सीमा जोडिएका बिहार तथा पश्चिम बंगाल राज्यमा प्रतिघण्टा ४० देखि ५० किलोमिटरको गतिमा हावा चल्न सक्ने बताएको थियो ।
नेपालको मौसम पूर्वानुमान महाशाखाले सोमवार दिउँसो नेपालका पहाडी भूभागहरुमा आंशिकदेखि सामान्य बदली रहने र बाँकी भूभागमा आंशिक बदली रहने जनाएको र पहाडी भेगको केही स्थानमा तथा पूर्वी तराई भेगका एकदुई स्थानमा मेघगर्जनसहित क्षणिक वर्षाको सम्भावना रहेको सामान्य र परम्परागत सुचना दिएको थियो ।
यस बिशयमा सार्बजनिक प्रश्नहरु उठे पछी मौसमविदहरुले आँधि आउन सक्ने पूर्वानुमान भए पनि पर्याप्त प्रविधि र मोडल नहुँदा आँधीको बेगबारे यकिन गर्न नसकिएको उत्तर दिएका छन । बारा-पर्सामा आएको आँधीलाई दुर्लभ भन्दै मौसमविदले यो अनुसन्धानको विषय भएको समेत बताएका छन् तर मौसम पूर्वानुमान गर्ने राज्य स्तरको सम्यन्त्र र निकाय हुँदा हुँदै त्यसले ठुलो जनधनको क्षति हुनेगरी भएको यती ठुलो घटनाका बारेमा कुनै पूर्व सुचना दिन नसक्नु निश्चय नै निन्दनिय छ र आगामी दिनहरुमा आउन सक्ने एस्ता पाकृतिक बिपत्तीहरुबाट हुने क्षति सग जोगिन मौसमको पूर्वानुमान गरी सुचना जारी गर्ने राज्यका निकायहरुलाई उपयुक्त प्रबिधी र जनशक्तीको तत्काल ब्यबस्था गर्न जरुरी पनि छ ।