दैलेख चैत, १९– प्रदेश ६ को दैलेख केन्द्रबिन्दु भएर भूकम्प गएको छ । भूकम्प मापन केन्द्र, सुर्खेतका अनुसार सोमबार राति राति ८ बजेर ४७ मिनेटमा दैलेखको भवानी केन्द्रबिन्दु भएर ४ दशमलव १ रेक्टर स्केलको भूकम्प गएको हो ।
सोमबार साँझ भूकम्प गएको समयमा नै मेघ गर्जनसहित हावाहुरी पनि चलेकाले जनजीवन त्रसित बनेको थियो । राति साढे ८ बजेतिर सुरु भएको हावाहुरी करिब आधा घण्टा चलेको थियो ।
हावाहुरीसँगै परेको चट्टयाङ लागेर महाबु गाउँपालिका –४ का वडासदस्य नरेन्द्र शाही घाइते भएको दैलेख प्रहरीले जनाएको छ । प्रहरीका अनुसार हावाहुरीले विद्यालयको छाना उडाएको छ भने मानवीय क्षति भएको छैन ।
