बुटवल जेठ, १३–
नेपाली कांग्रेस बुटवल नगरसमितिले बालुवाटार जग्गा प्रकरणमा मुछिएका नेकपा महासचिव विष्णु पौडेललाई भ्रष्टाचारी भन्दै पर्चा छरेको छ ।
नेपाली कांग्रेस बुटवल नगरसमितिका सभापति तथा बुटवल उपमहानगरपालिकाका प्रमुखका उम्मेदवार खेलराज पाण्डेको नेतृत्वमा बुटवल मण्डपमा करिब ३ सय पर्चा छरिएको हो । सभापति पाण्डेले पौडेललाई कारबाही हुनु पर्ने भनेर पर्चा छरिएको प्रष्ट पारे ।
यसैबीच नेकपा महासचिव पौडेल बुटवल प्रदर्शनी केन्द्रको शिलान्यास गर्न बुटवल पुगेका छन् । उनले केहीबेरअघि प्रदर्शनी केन्द्रको शिलान्यास गर्ने तयारी गरिएको छ ।
नगरसभापति पाण्डेले निर्वाचनअघि नै प्रदर्शनी केन्द्रको निर्माणको नक्शासमेत तयार भएको र बुटवल नगर सर्वदलीय बैठकबाट पारित भइसकेको भन्दै अहिले प्रचारका लागि शिलान्यास गरिएको दावी गरे । यद्यपि, नेपाली कांग्रेस दर्शनी केन्द्र निर्माणकै पक्षमा रहेको स्पष्ट पारे ।
