विराटनगर जेठ, २७–
कार्यवाहक प्रधानमन्त्रीको जिम्मेवारी सम्हालीरहेका उपप्रधान तथा रक्षामन्त्री ईश्वर पोखरेलले नेकपाका अध्यक्षद्वयको प्रधानमन्त्री आलोपालोबारे फेरी मुख खोलेका छन् । नेकपा सचिवालय सदस्य समेत रहेका पोखरेलले सोमबार विराटनगरमा प्रधानमन्त्री पदका लागि केपी शर्मा ओली र प्रचण्डवीच आलोपालो गर्नेबारे पार्टीभित्र छलफल नै नभएको दावी गरेका हुन् ।
पोखरेलले पार्टीका दुई अध्यक्षबीच आधा–आधा कार्यकाल प्रधानमन्त्री बन्ने भन्ने कुरा पार्टीभित्र औपचारिक ढंगमा छलफल नभएको प्रष्ट पारे ।
शीर्ष नेताहरुवीचमा आधा–आधा कार्यकालका लागि जेन्टलमेन्ट सहमति भएको भए पनि सबै कुराको सीमा, मर्यादा र प्रकृया हुने भन्दै पोखरेलले बाहिर आएको कुरा आफूहरुले ध्यानपूर्वक सुनेको बताए ।
आलोपालोको सहमति त कार्यान्वयन होला नि भन्ने पत्रकारको प्रश्नमा पोखरेलले भने ‘जुनबेला जे हो, त्योबेला त्यही होला नि । पालना होला नि त !’
