काठमाडौं जेठ, २९–
कांग्रेस नेता गगन थापाले संस्कार र संस्कृतिमाथि प्रहार नगर्न कम्युनिष्ट सरकारलाई चेतावनी दिएका छन् । नेता थापाले थापाले पशुपतिनाथको मन्दिरका पुजारी चलाउँदा तत्कालीन प्रधानमन्त्री पुष्पकमल दाहाल सकिएको उदाहरण प्रस्तुत गर्दै स्वर्गद्वारी चलाउँदा प्रधानमन्त्री केपी ओली सकिने चेतावनी दिएका हुन् । मंगलबार प्यूठानको बिजुबारमा भएको कांग्रेस सभालाई सम्बोधन गर्दै कांग्रेस केन्द्रीय सदस्य समेत रहेका थापाले संस्कृतिमाथि प्रहार नगर्न चेतावनी दिएका हुन् । उनले गुठी सम्बन्धी विधेयकको चर्को विरोध गर्दै उक्त कुरा बताएका हुन् ।
कार्यक्रममा नेपाल कम्युनिष्ट पार्टी (नेकपा) र जनमोर्चा त्यागेर करिब ७ सय जना कांग्रेसमा प्रवेश समेत गरेका थिए । उनीहरुलाई डा. शेखर कोइराला र थापाले सदस्यता प्रदान गरेका थिए । उनले आफूहरु अहिले चुनाव हारे पनि त्यो म्यान्डेट स्वीकार गर्दै अर्को चुनाव जित्ने दाबी पनि गरे ।
