नेविसंघ चितवनद्वारा पुर्व पश्चिम राजमार्ग अन्तर्गत गौंडाकोटमा एक घण्टा चक्काजाम



गैँडाकोट असार, १२–
सोमबार राति गैँडाकोटमा मोटरसाइकललाई ठक्कर दिने ट्रकका धनी परिवारजनसँग वार्तामा आउन अटेर गरेका छन् । घटना भएको आज तीन दिन हुँदासम्म पनि दोस्रो पक्षलाई पठाएर आफू भने नआएका हुन् । छलफलका लागि मुख्य धनी नआएपछि मृतकका आफन्त थप आक्रोसित वनेका छन् ।
मृतक नेविसंघ चितवनका नेता साविक क्षेत्र नं ४ का क्षेत्रीय सभापति समेत थिए । ट्रकका धनी वार्तामा नआएपछि दबाब स्वरुप नेपाल विद्यार्थी संघ चितवनले ने वि संघ नवलपुरको सहकार्यमा गैंडाकोटमा हिजो १ घण्टा चक्काजाम गरेको छ । गैँडाकोटको ईलाका प्रहरी कार्यालय अगाडि १ घण्टा चक्काजाम गरिएको थियो।


ट्रक धनी सम्पर्कमा नआएको र नक्कली चालक र नक्कली चालक पत्र देखाई घटनालाई थप उत्तेजित र भड्किलो बनाउन स्वयं जिम्मेवार पक्ष नै लागेको हुँदा दोषीलाई कडा कारबाही र पीडितलाई उचित क्षतिपूर्ति को माग गर्दै चक्काजाम गरिएको नेबि संघ चितवनका जिल्ला सभापति सूर्य ढकालले बताए । ढकालले सहजीकरण गरेको कार्यक्रममा चितवन जिल्लाका पार्टी सचिव राजीव न्यौपाने र नेविसंघ नवलपुर जिल्ला सभापति राजेश पौडेलले मन्तव्य दिएका थिए ।
मन्तव्य दिने क्रममा नेपाली कांग्रेस जिल्ला सचिव राजिव न्यौपानेले प्रशासनले सम्बन्धित व्यक्तिलाई नबोलाई घटनालाई ढाकछोप गर्न खोजिएको भन्दै आपत्ति जनाएका थिए । साथै घटनाको सत्यतथ्य छानवीन गरी मृतकलाई कानूनीरुपमा क्षतिपूर्ति दिनका लागि उनले जोडदार माग समेत गरे ।
कार्यक्रममा चितवन जिल्लाका पार्टी उपसभापति कैलाश कोइराला, तरुण दल चितवनका अध्यक्ष राजन ताम्रकार , ने वि संघ चितवका उपाध्यक्ष राजन दाहाल , दिनेस पौडेल , विनिता चापागाई , रोसन वस्नेत , सचिव गणेश रिजाल , विध्यार्थी नेता श्रीकृष्ण लामिछाने लगायतका व्यक्तिहरूको उपस्थिती रहेको थियो। उता गैँडाकोट प्रहरीले पनि ठक्कर दिने चालकलाई पक्राउ गरिसकिएको र मुख्य धनीलाई पनि वार्तामा आउन पटक पटक आग्रह गरिएको बताएको छ । वार्तामा वसेर माग सम्वोधन नहुदासम्म शव नवुझ्ने मृतकका आफन्तले बताएका छन् ।

प्रकाशित मिति : १२ असार २०७६, बिहिबार  २ : ३५ बजे