काठ्माण्डौ-
कांग्रेस नेता प्रदिप पौडेलले निर्मला हत्याकाण्डको बारेमा गृह मन्त्री रामबहादुर थापाले दिएको अभिब्यक्तिलाई गैह्र्जिम्मेवार भनेका छन ।
आजै एक कार्यक्रममा गृहमन्त्री थापाले निर्मला हत्याकाण्ड जस्ता घटनाहरु हिजो पनि थिए र भबिष्यमा पनि हुन सक्छन भन्दै उक्त हत्याकाण्डलाई सामान्य घटनाको रुपमा ब्याख्या गरेका थिए ।
गृह मन्त्री थापाको अभिब्यक्ति प्रती टिप्पणी गर्दै कांग्रेस युबा नेता पौडेललेगृहमन्त्री जस्तो जिम्मेवार व्यक्ति जसले शान्तिसुरक्षाको नेतृत्व गरेको हुन्छ उसैले तेस्तो अभिब्यक्ती दिनु दुखद भनेका छन ।
युबा नेता पौडेलले सामाजिक सञ्जाल ट्विटरमा प्रतिकृया ब्यक्त गर्दै निर्मलाहरूलाई जोगाउन नसक्ने गृहमन्त्री पदमा रहिरहनुको के अर्थ भन्ने प्रश्न उठाएका छन । नेता पौडेलले एस्ता हत्याकाण्ड फेरी हुन सक्छन भन्ने गृहमन्त्रीले राजिनामा दिनुपर्ने आशय ब्यक्त गरेका छन ।
नेता पौडेलले सरकारसग नैतिकता र ज़िम्मेदारी दुबैको खडेरी परेको समेत सङ्केत गरेका छन ।
गृहमन्त्री जस्तो जिम्मेवार व्यक्ति जसले शान्तिसुरक्षाको नेतृत्व गरेको हुन्छ ।त्यो तहबाट निर्मलाकाण्ड भविष्यमा पनि घट्न सक्छ भन्ने अभिव्यक्ति आउनु अत्यन्त दु:खद हो । निर्मलाहरूलाई जोगाउन नसक्ने गृहमन्त्री पदमा रहिरहनुको अर्थ के हुन्छ र ? नैतिकता र ज़िम्मेदारी दुबैको खडेरी परेको छ।
— Pradip Paudel (@paudelpradipNC) July 23, 2019
