आइसीसी क्रिकेट वर्ल्ड कप लिग टु अन्तर्गत त्रिभुवन विश्वविद्यालय कीर्तिपुरस्थित क्रिकेट मैदानमा बुधबार बिहान सुरु भएको ओमानविरुद्धको खेलमा नेपालले १ सय ९८ रनको लक्ष्य पाएको छ ।
टस हारेर पहिले बलिङ गरेको ओमानले निर्धारित ५० ओभरमा ९ विकेटको क्षतिमा १९७ रन बनायो
ओमानका लागि मोहम्मद नदीमले ६९ रन बनाए । त्यस अतिरिक्त सन्दीप गौडले ३३, मुहम्मद नसिमले २८, जसिम मकसुदले २० र अकिब इल्यासले १६ रन बनाए ।
बलिङतर्फ नेपालका सुशनले १० ओभरमा १४ रनमात्र खर्चिएर तीन विकेट लिए । करण केसीले चार विकेट हात पारे । दीपेन्द्रसिंह ऐरीले एक विकेट हात पारे ।
१० ओभर बलिङ गरेका सन्दीप लामिछाने भने विकेटविहीन रहे ।
