कांग्रेस महामन्त्री डा. शशाङ्क कोइरालामार्फत नवलपुरका बिभिन्न आठ वटा स्थानीयतहरुमा स्वास्थ्य सामाग्रीहरु बितरण गरिएको छ ।
नवलपुर क्षेत्र नम्बर १ बाट निर्वाचित सांसद प्रा.डा, कोइरालाले स्थानियतहरुलाई स्वास्थ्य सामाग्री उपलब्ध गराउनका लागी यस अघी बचनबद्दता ब्यक्त गरे अनुसार स्वास्थ्य सामाग्रीहरु उपलब्ध गराइएको डा . कोईरालाका स्वकीय सचिव भरत तिवारीले जानकारी दिए ।
कोरोनाको संभावित जोखिम नियन्त्रणका लागि सहज होस् भनि स्वास्थय सामाग्री उपलब्ध गराएको तिवारीले बताए
नवलपुरका आठ वटा स्थानीयतहरुका लागि एन ९५ मास्क ७५ थान , सेनिटाइृजर ८० लि . , पिपिई ६० थान , थर्मल गन १७ थान , ग्लोभ्स ५०० सेट र मेडिकल मास्क २७५० थान उपलब्ध गराइएको र आवश्यकता हेरेर जिल्लामा फेरी पनि स्वास्थ्य सामाग्री उपलब्ध गराइने तयारी रहेको पनि महामन्त्री कोइरालाको सचिबालयले जनाएको छ ।
प्रमुख जिल्ला अधिकारी पिताम्बर घिमिरेले सामाग्रीहरुले महामन्त्री कोइरालाको तर्फबाट उपलब्ध गराइएका स्वास्थ्य सामाग्रीबाट जिल्लाका स्थानीय तहरुलाई महामारी नियन्त्रण तथा रोकथाममा सघाउ पुग्ने बिश्वास व्यक्त गरे ।
गण्डकी प्रदेशसभाका प्रमुख विपक्षी दलका नेता कृष्णचन्द्र नेपाली , संघिय सांसद सत्यनारायण खनाल , प्रदेश सांसद ओमकला गौतम , संविधानसभा सदस्य महेन्द्रध्वज जि .सि . लगायत जिलाअका नेताहरु सहितको टोलिले जिल्ला प्रशाशन कार्यालय मार्फत स्थानिय तहमा जाने गरी उक्त स्वास्थ्य सामाग्रीहरु हस्तान्तरण गरिएको हो ।
