नेवार समुदायले राष्ट्रिय विभूति शंखधर साख्वाको प्रतिमामा माल्यार्पण गर्दै नेपाल संवत् ११४१ लाई स्वागत गरेका छन् ।
विशेषगरी नेवार समुदायले नेपाल संवत् धुमधाम साथ मनाउने गर्छन् । विगत वर्षहरु मोटरसाइकल र्याली, सहर परिक्रमालगायत विभिन्न कार्यक्रम गरी नेपाल संवत् मनाउने गरिएको भए पनि यो वर्ष कोरोना महामारीका कारण औपचारिकतामा मात्रै सीमित रह्यो ।
राष्ट्रिय विभूति शङ्खधर साख्वाले विसं ९३७ ९इसं ८८०० मा गरिब जनताको ऋणमोचन गरी नेपाल संवत्को सुरुवात गरेको विश्वास गरिन्छ । विश्वभरी नेपाल समुदायले नेपाल संवत् मनाउने गरेका छन् । नेवार समुदायका अगुवाहरुले नेपाल संवत्लाई राष्ट्रिय संवत्का रुपमा मान्यता दिएर पनि सरकारले आधिकारिक रुपमा प्रचलनमा नल्याएको भन्दै सरकारसँग असन्तुष्टि व्यक्त गरेका छन् । नेपालको आफ्नो संवत् हुँदाहुँदै पनि प्रचलनमा नल्याउनु दुः खद भएको नेवार समुदायका अगुवा तथा सर्वसाधारणहरुको भनाइ छ ।
नेपाल संवत्लाई राष्ट्रिय मान्यता दिँदै आधिकारिक रुपमा प्रचलनमा ल्याउनुपर्ने माग राख्दै २००७ सालदेखि नै अभियान चल्दै आएको छ । अहिले विश्व नै कोरोना महामारीसँग लडिरहेको अवस्थामा ‘कोरोनामुक्त वर्ष ११४१’ होस भन्ने कामनाका साथ शुभकामना आदान(प्रदान गरी नेपाल संवत् भनाइरहेको नेपाल संवत् ९न्हुँद० राष्ट्रिय समारोह समितिका संयोजक रमेश महर्जनले बताए ।
गरिब जनताको ऋणमोचन गराई सामाजिक सेवाको उत्कृष्ट नमुना प्रस्तुत गरेको र नेपालमा मौलिक संवत्समेत चलाएको कार्यको उच्च मूल्याङ्कन गर्दै २०५६ सालको नयाँ वर्षका दिनमा तत्कालीन प्रधानमन्त्री कृष्णप्रसाद भट्टराईले साख्वालाई राष्ट्रिय विभूति घोषणा गरेका थिए । २०६५ सालमा प्रधानमन्त्री पुष्पकमल दाहाल ‘प्रचण्ड’ ले नेपाल संवत्ले राष्ट्रिय मान्यता पाउने घोषणा गरेका थियो । तर आधिकारिक दस्तावेजहरुमा भने राष्ट्रिय संवत् भनेर उल्लेख गरेको पाइँदैन ।
