लुम्बिनी प्रदेशको राष्ट्रिय सभा उपनिर्वाचनमा विपक्षी गठबन्धनका तर्फबाट नेपाली कांग्रेसले उम्मेदवार बनाएका दिर्घनारायण पाण्डेय विजयी भएका छन्।नेकपा एमालेका उम्मेदवार चन्द्रबहादुर खड्कालाई पराजित गर्दै उनि निर्बाचित भएका हुन ।
कांग्रेसका उम्मेदवार पाण्डेयलाई नेकपा माओवादी केन्द्र, नेकपा एमालेको माधवकुमार नेपाल समूह र जसपाको बाबुराम-उपेन्द्र पक्ष र राष्ट्रिय जनमोर्चाको समर्थन प्राप्त थियो ।पाण्डेले चार हजार १४० मत ल्याए भनेउनका प्रतिद्वन्दी नेकपा एमालेका चन्द्रबहादुर खड्काले तीन हजार ३६१२ मत प्राप्त गरे ।
बिहान ९ बजेदेखि शुरु भएको मतदान ३ बजे सकिएपछी मतगणना थालिएको थियो ।मतदानमा प्रदेशसभा सदस्य तथा स्थानीय तहका प्रमुखउपप्रमुखले मतदान गरेका थिए ।प्रदेशसभा तर्फ १ मत र स्थानीय तहतर्फ २ मत बदर भएको छ । निर्वाचन आयोगले औपचारिक घोषणा केहीबेरमा गर्दैछ ।
विजयी पाण्डेय हालै मात्र सत्तारुढ एमालेको विवादबाट निराश भएर प्रदेश सभा सदस्यबाट राजीनामा दिदै नेपाली कांग्रेस प्रवेश गरेका थिए । २०७४ सालमा भएको प्रदेशसभा निर्वाचनमा पाण्डेय एमालेको तर्फबाट कपिलवस्तु २ (१) मा तत्कालिन नेकपाबाट निर्वाचित भएका थिए । गत वैशाख १९ गते मुख्यमन्त्री शंकर पोखरेलले राजीनामा दिएर पुनः नियुक्त भएपछि राजनिती लाजमर्दो भएको प्रतिक्रीया दिदै पाण्डेयले प्रदेश सभा सदस्य पदबाट राजीनामा दिएर कांग्रेस प्रबेश गरेका थिए ।
सम्बन्धित समाचार
लुम्बिनी प्रदेशमा राष्ट्रियसभाका लागि मतदान शुरु : कांग्रेस नेता पाण्डे जित नजिक, यस्तो छ अंकगणित