२०७८ मंसिर १५ बुधबार

दाङ कांग्रेसको क्षेत्रीय समितिमा कतै पुरानै, कतै नयाँ अनुहार

दाङ कांग्रेसको क्षेत्रीय समितिमा कतै पुरानै, कतै नयाँ अनुहार


  • 21
    SHARES
    • न्यू सञ्चार
    • बिहिबार, मंसिर ९ २०७८
    • काठमाडौँ

    नेपाली काग्रेस दाङको क्षेत्रमा नयाँ नेतृत्व चयन भएको छ । ६ मंसिरदेखि सुरु भएको नयाँ नेतृत्व छनोट प्रक्रिया बुधबार टुंगिएको छ । काग्रेसको १४औ महाधिवेशनअन्तर्गत कांग्रेसले संरचानागत रूपमा वडादेखि केन्द्रसम्म नयाँ नेतृत्वका लागि प्रक्रियामा छ ।

    त्यहीअन्तर्गत निर्वाचनमार्फत दाङका तीन संघीय निर्वाचन क्षेत्रमा नयाँ नेतृत्व चुनिएको छ । दुई समूह बनाएर निर्वाचनमा होमिएका कांग्रेसको क्षेत्रीय नेतृत्वका केही पुरानै अनुहार नेतृत्वमा दोहोरिएका छन् । केही नयाँ अनुहार नेतृत्वमा आएका छन् । जिल्लामा संस्थापन र संस्थापन इतरको समूहबाट चुनावी प्रतिस्पर्धा गरेको कांग्रेसको क्षेत्रीय नेतृत्वमा संस्थापन पक्ष हावी भएको छ ।

    निर्वाचन क्षेत्र नं १ मा भेषराज पाण्डेय सभापतिमा दोहोरिएका छन् । निर्वाचन क्षेत्र न।३ मा सभापति निर्वाचित जगतबहादुर खड्का तेस्रोपटक नेतृत्वमा आएका छन् । उनी ११औं महाधिवेशनबाट क्षेत्रीय नेतृत्वमा आइरहेका छन् । त्यस्तै क्षेत्र नं २ मा सभापति निर्वाचित भीमप्रकाश खड्का पहिलोपटक क्षेत्रीय नेतृत्वमा चुनिएका छन् ।

    प्रदेश सभा क्षेत्रको नेतृत्वमा पनि धेरै नयाँ अनुसार र केही पुराना अनुहार नेतृत्वमा दोहोरिएका छन् । संघीय सभापतिमा दाङ क्षेत्र नं। १ बाट संस्थापन पक्षका भेषराज पाण्डेय विजयी भएका छन् । उनले सर्वजित डिसीलाई एक सय ६५ मतले पराजित गर्दै सभापतिमा विजयी भएका हुन्। पाण्डेले चार सय २२ मत प्राप्त गरी विजयी भएका हुन् । डिसीले दुई सय ५७ मत प्राप्त गरेका छन् । निर्वाचनमा पाण्डेयको प्यानल नै विजयी भएको हो । खेमलाल चौधरीले चार सय २१ मत ल्याएर सचिवमा विजयी भएका छन् । हेमलाल शर्मा चार सय मतले विजयी भएको निर्वाचन समितिले जनाएको छ ।

    निर्वाचन क्षेत्र नं २ मा संघीय सभापतिमा भीमप्रकाश खड्का विजयी भएका छन् । क्षेत्रका लागि उनी नयाँ अनुहार हुन् । संस्थापन पक्षधर खड्का चित्रबहादुर डाँगीलाई एक सय मतले पराजित गरी सभापतिमा निर्वाचित भएका हुन् । खड्का सामुदायिक वन क्षेत्रका केन्द्रीय नेता पनि हुन् । सचिवमा हिमबहादुर डाँगी र आरके शीतल समान तीन सय २१ मत ल्याएर निर्वाचित भएका छन् ।

    क्षेत्र नं ३ को सभापतिमा जगतबहादुर खड्का निर्वाचित भएका छन् । खड्काको प्यानल नै निर्वाचित भएको छ । खड्काको यो लगातार तेस्रो जित हो । खड्काले चार सय ३८ र सुरेन्द्र खड्काले तीन सय ११ मत प्राप्त गरे ।

    बिहिबार, मंसिर ९ २०७८
    थप समाचार र अन्य विविध जानकारीका लागि हाम्रो फेसबुक र ट्वीटरमा जोडिन

      © 2021 नेपालको संचार – newsanchar.com All right reserved  | Site By : SobizTrend Technology