Notice: Trying to get property 'slug' of non-object in /var/www/html/wp-content/themes/newsanchar/functions.php on line 49
नेपालको संचार – newsanchar.com | मर्स्याङ्दी गाउँपालिकाले बनायो ४१ वटा कानुन
२०७९ असार १५ बुधबार

मर्स्याङ्दी गाउँपालिकाले बनायो ४१ वटा कानुन

मर्स्याङ्दी गाउँपालिकाले बनायो ४१ वटा कानुन


  • 117
    SHARES
    • न्यू सञ्चार
    • सोमबार, जेष्ठ ३० २०७९
    • काठमाडौँ

    लमजुङको मर्स्याङ्दी गाउँपालिकाले पाँच वर्षमा ४१ वटा ऐन, नियम तथा कार्यविधि बनाएको छ ।गाउँपालिकाले स्थानीय तहको अधिकारलाई उपयोग गर्दै आफ्नो आवश्यकता अनुसार ऐन, नियम, तथा कार्यविधि निर्माण गरेको हो ।

    २०७४ को स्थानीय तह निर्वाचनमा चुनिएर आएका जनप्रतिनिधिले पहिलो पटक गाउँसभा सञ्चालन कार्यविधि निमार्ण गरेका थिए । सो पश्चात गाउँपालिकाले पाँच वर्षको अवधिमा १२ वटा ऐन, २१ वटा कार्यविधि, ४ वटा निर्देशिका, ३ वटा नियमावली र एक मापदण्ड बनाएको छ ।

    सबै ऐन, कार्यविधि, नियमावली तथा निर्देशिका राजप्रत्रमा प्रकाशित गरी कार्यान्वयनमा समेत ल्याइएको गाउँपालिका अध्यक्ष अर्जुन गुरुङले बताए ।

    पालिकाले आर्थिक ऐन, विनियोजन ऐन, सहकारी ऐन, कृषि व्यवसाय ऐन, प्रशासकिय कार्यविधि ऐन, आर्थिक कार्यविधी ऐन, स्थानिय शिक्षा शिक्षा ऐन, वातावरण तथा प्राकृतिक स्रोतको संरक्षण ऐन, विपद जोखिम न्युनिकरण ऐन, संस्था दर्ता ऐन, जलश्रोत उपयोग लगायतका ऐन वनाएर पालिकाले कार्यन्वयन गरिसकेको जनाएको छ ।

    त्यस्तै,गाउँ सभा सञ्चालन , एफएम रेडियो सञ्चालन, उपभोक्ता समिति गठन परिचालन तथा व्यवस्थापन सम्बन्धी, करार कर्मचारी व्यवस्थापन, असक्त असहाय विपन्न सहायता कोष सञ्चालन कार्यविधि, घरवहाल कर व्यवस्थापन, विपद् व्यवस्थापन कोष सञ्चालन तथा व्यवस्थापन, आन्तरिक आय संकलन सम्बन्धी, टोल विकास सस्था गठन तथा परिचालन, नदी जन्य पदार्थ तथा अन्य पदार्थ उत्खनन, संकलन तथा ओसारपसार विक्रीवितरण सम्बन्धी कार्यविधि रहेका छन् । मदिरा नियन्त्रण, व्यवसाय दर्ता र गाउँपालिकाको स्वास्थ्य बिमा कार्यविधि पनि पारित गरी कार्यान्वनयमा ल्याइसकेको छ ।

     

    सोमबार, जेष्ठ ३० २०७९
    थप समाचार र अन्य विविध जानकारीका लागि हाम्रो फेसबुक र ट्वीटरमा जोडिन

    © 2022 नेपालको संचार – newsanchar.com All right reserved  | Site By : SobizTrend Technology