२०७९ असार १५ बुधबार

एसिसी महिला टी २० च्याम्पियनसिप अन्तर्गत आज नेपाल र हङकङ खेल्दै, समूह विजेता बन्ने अवसर

एसिसी महिला टी २० च्याम्पियनसिप अन्तर्गत आज नेपाल र हङकङ खेल्दै, समूह विजेता बन्ने अवसर


  • 96
    SHARES
    • न्यू सञ्चार
    • मंगलबार, असार ७ २०७९
    • काठमाडौँ

    नेपालले राष्ट्रिय महिला क्रिकेट टोलीले एसिसी महिला टी २० च्याम्पियनसिपअन्तर्गत मंगलबार समूह चरणको अन्तिम खेलमा हङकङको सामना गर्दैछ ।

    मलेसियामा हुने खेल दिउँसो १२ बजे सुरु हुनेछ । प्रतियोगितामा चौथो खेल खेल्दै गर्दा नेपाल जित यात्रालाई निरन्तरता दिने लक्ष्यमा हुनेछ ।

    समूह ‘बी’ मा रहेको नेपालले सोमबार तेस्रो खेलमा बहराइनलाई हराउँदै एक खेल अगावै सेमिफाइनलमा स्थान बनाएको थियो ।

    यसअघि नेपालले पहिलो खेलमा भुटान र दोस्रो खेलमा कुवेतलाई हराएको थियो । नेपालको तीन खेलमा ६ अंक छ । हङकङलाई हराएमा नेपाल समूह बी को विजेता बन्ने छ ।

    प्रत्येक समूहको शीर्ष दुई टोली सेमिफाइनल प्रवेश गर्नेछ । समूह ए मा युएई, ओमान,कतार र सिंगापुर रहेका छन् ।

    प्रतियोगिताको विजेता र उपविजेता एसिया कपका लागि छनोट हुनेछ ।

    मंगलबार, असार ७ २०७९
    थप समाचार र अन्य विविध जानकारीका लागि हाम्रो फेसबुक र ट्वीटरमा जोडिन

    © 2022 नेपालको संचार – newsanchar.com All right reserved  | Site By : SobizTrend Technology