पछिल्लो २४ घण्टामा नेपालमा थप २६३ जनामा कोरोना संक्रमण पुष्टि भएको छ भने देशभर दुईजनाको मृत्यु भएको छ । २४ घण्टामा तीन हजार १६५ वटा स्वाब नमुनाको परीक्षण गरिएकामा २६३ जनाको नतिजा पोजिटिभ आएको हो ।
पछिल्लो २४ घण्टामा देशभर ५०१ जना निको भएका छन् । योसँगै नेपालमा कोरोनामुक्त हुनेको संख्या नौ लाख ७५ हजार ३०७ पुगेको छ ।
हाल देशभर कोरोनाका सक्रिय संक्रमितको संख्या पाँच हजार ४३४ रहेको स्वास्थ्य तथा जनसंख्या मन्त्रालयले शनिबार जनाएको छ ।
